БҮКІЛҚАЗАҚСТАНДЫҚ АҒАШ ОТЫРҒЫЗУ КҮНІ АКЦИЯСЫ ӨТУДЕ
21 сәуір күні еліміздің барлық аймақтарында "Бүкілқазақстандық ағаш отырғызу күні" акциясы өткізілуде. Аталмыш игі шараға сенбілікке жиылған Шиелі ауданының тұрғындары да біркісідей атсалыса қатысуда. Аудан әкімінің өкімімен көктемгі көркейту көгалдандыру және санитарлық тазалық жұмыстары 10 наурыздан басталған болатын. Содан бері аудан көлемінде күл-қоқыстардан тазартылып, әктеу, сырлау жұмыстары жүргізілді. Бүгінгі ағаш отырғызу акциясына мемлекеттік қызметкерлерден бастап әлеуметтік сала, денсаулық сақтау саласы қызметкерлері, кәсіпкерлер, жастар мен ардагерлер жалпы аудан тұрғындары белсенді қатысып, 30000-ға жуық көшет отырғызды.
