Сенбілікте аудан орталығының көшелері тазартылды
Шиелі ауданы әкімдігінің бастамасымен сенбілік ұйымдастырылды. Бұл игі шараға аудан орталығындағы барлық мекеме ұжымдары ұйымшылдықпен қатысты.
Сенбілікте көшелер, мекеме аулаларымен аудан орталығының көшелері тазартылды. Су жүйелері мен арықтар тазартылып, жас тал көшеттері отырғызылды.
«Тазалық – денсаулық кепілі» демекші тұрғындар осы пайдалы іске жұмыла кірісіп, ортақ игіліктен тысқары қалған жоқ. Жастар жағы бұл күні көтеріңкі көңіл-күймен белсене еңбек үлгісін көрсетті.
