Шиелі ауданаралық ауруханасының бас дәрігері Нұрлан Әмір кішкентай емделушілерді жаңа жылмен құттықтады.
Алдымен ауруханының перзентхана бөліміне барып, ондағы жаңа туған нәрестелердің аналарын құттықтап, ізгі тілегін білдірді. Одан соң хирургия және балалар бөлімінде ем қабылдап жатқан балапандармен кездесті.

– Қоян жылы ырысты, берекелі, тыныштық пен құт-береке дарыған, барлық тілектерін орындалатын жыл болсын! Әрқайсыңызға зор денсаулық пен әр отбасыға қуаныш, ұзақ ғұмырлы шуақты күндер тілеймін, – деген бас дәрігер ем қабылдап жатқан 90 бүлдіршінге жаңа жылдық сыйлық табыстады. Мерекені ауруханада қарсы алған кішкентай емделушілер бас дәрігердің ыстық ілтипатына ризашылығын білдіріп, қуанышқа бөленді.