Еліміздің ұлттық мерекесі Республика күнінде ауданда 9 нәресте дүние есігін ашты. Шаңыраққа шаттық сыйлаған шақалақтардың 5-еуі ұл, 4-еуі қыз бала.Аудан әкімі Нұржан Ахатов, әйелдер кеңесінің төрағасы Нәйла Палымбет және Шиелі ауданаралық ауруханасының бас дәрігері Нұрлан Әмір айтулы күні дүниеге келген сәбилер мен олардың аналарын құттықтап, игі тілегін жеткізді. Сәйкесінше сый-сияпат жасап, құрмет көрсетті.

– Сіздерді Республика күнімен шын жүректен құттықтаймын! Осынау ұлық мерекеде дүние есігін ашқан сәби туған жеріміздің мақтанышына айналар тұлға болсын. Сіздерге ұзақ ғұмыр, мықты денсаулық, отбасыларыңызға бақ-береке тілеймін, – деді аудан әкімі.

Республика күніне орай тарту жасаған аналар көрсетілген құрметке ризашылықтарын білдіріп, алғаусыз алғыстарын жеткізді.