Жұма күні Шиелі ауданаралық ауруханасының перзентханасында 1 маусым – Халықаралық балаларды қорғау күні мерекесінде дүниеге келген 6 бала марапатталды.
Айтулы датада дүниеге келген бақытты балаларды аудан әкімінің орынбасары А.Есмаханов, аудандық әйелдер кеңесінің төрағасы Нәйлә Палымбет пен кәсіпкер ­Патима Маханбет арнайы келіп құттықтап, сый қоржындар табыстады. Алдымен А.Есмаханов сөз сөйлеп, «балалардың дені сау, жолы әрдайым ашық болсын», деп тілек білдірді. Ал Нәйлә Палымбет болса, балалардың осындай дені сау болып туылуына себепкер болған перзентхана қызметкерлеріне алғысын жеткізді.