Ауданаралық ауруханада референдумның маңызы сөз болды
Бүгін Шиелі ауданаралық ауруханасының қызметкерлеріне 5 маусым күні өтетін жалпыхалықтық референдумның маңызы мен Ата заңға енгізілетін өзгерістер туралы түсіндірме жұмыстары жүргізілді.
Жиынға еңбек ардагері, салық қызметінің үздігі Дайрабай Ысқақов, Қызылорда облыстық ардагерлер кеңесінің төрағасы Серік Дүйсенбаев, аудан әкімінің орынбасары А.Есмаханов, ауданаралық аурухананың бас дәрігері Нұрлан Әмір қатысты.
Кездесу барысында штаб мүшелері қатысушыларға Конституцияға енгізілетін өзгерістер мен толықтырулар туралы кеңінен тарқатып, Мемлекет басшысының суперпрезиденттік басқару жүйесінен бастарту секілді бірнеше маңызды қадамдарына тоқталды. Сонымен бірге жиында референдумға қатысушыларда тек 2 таңдау болатындығы, яғи "өзгерістерге келісеміне, не қарсымын" деген нұсқалар ғана болатындығы түсіндірілді.
"Өскен өңір" ақпарат
