Аудандағы білім беру ұйымдарының 2022-2023 жаңа оқу жылына дайындығы туралы

 Шиелі ауданы бойынша білім беру ұйымдарының 2022-2023 жаңа оқу жылының басталуына дайындығын қамтамасыз ету мақсатында  Шиелі аудандық білім бөліміне қарасты 40 мектепке және «САМҒАУ» жеке мектебіне жәй жөндеу жұмыстары жүргізілген. Досбол би ауылындағы  №155 Д.Шыныбеков атындағы орта мектебінің күрделі жөндеу жұмысы  2019-2020 оқу жылында басталған болатын, жөндеу жұмысы әлі толығымен аяқталған жоқ. Байсын ауылындағы 250 орынға арналған №207 мектеп құрылысы басталып, қазіргі таңда мектеп ғимаратының фундаментінің құрылысын ЖШС «Авангард ПГС» мекемесі жүргізуде. Жансейіт ауылындағы №133 мектепті 2023 жылға жаңадан соғу жоспарланып отыр. Ауданымыздағы төтенше жағдайға байланысты №251, №155, №152, №84, №241, №158 және Ақтам бастауыш мектептерінің төбелерінің шиферлары ұшып кеткендіктен аудандық білім бөлімі, аудан әкімдігі, төтенше жағдай, Облыстық білім басқармасы, Облыстық құрылыс бөлімінің мамандарымен арнайы комиссия бөлініп, тексеру жүргізілген, анықталған кемшіліктерге байланысты құжаттар дайындалып, қаражат бөлу қарастырылуда.Аудандық білім бөлімімен 15.08.2022ж №59 санды және Шиелі СЭББ 15.08.2022ж №25-НҚ бірлескен бұйрығымен 24 мектеп дайындығы тексерілді. Ауданымызда 1 кезекпен оқитын-7 мектеп, 2 кезекпен оқитын 34 мектеп, 3 кезекпен оқитын мектеп жоқ, алайда аудан орталығында тығыздық жағынан қауіпті мектептер бар, олар №45, №46, №48, №244 мектептер.  Ауданымыздағы мектептердің сумен қамтамасыз етілуі бойынша 36 орталықтандырылған, 1 тасымал (№84), 4 орталықтандырылмаған (№151,Ақтам,Жуантөбе,Лесхоз). Шайынды су жүйесі бойынша 1 орталықтандырылған (№127), 40 жергілікті септик қарастырылған. Жылу жүйесі бойынша-37 автономды жеке қазандық,4 мектеп пешпен жылытылады. Олардың ішінде 7 мектеп газбен, 26 мектеп қатты отынмен, 8 мектепте сұйық отын жағылады. Табиғи газды реконструкциялау бойынша Бидайкөл ауылындағы №148 және Ы.Жахаев ауылындағы №149 мектептер 31 тамызға дейін газға қосылу жоспарланып отыр. Кент орталығындағы №45 «Ақ Орда» мектеп-гимназиясының жылу қазандығын газға ауыстыру бойынша конкурс аяқталып, жеңімпазы анықталып, құрылыс жұмыстары жылу маусымы басталу кезеңіне дейін аяқталады деп жоспарлануда. №49, №84, №152, №159, №228, №251 мектептердің жылу қазандықтарын ауыстыру мақсатында қаржы бөлініп, конкурс жарияланып отыр.  Дезинфекциялау, жуу құралдары (дозатор, сабын, сұйық сабын, хлор, кілемше) және санитайзерлермен қамтамасыз етілген.
2021-2022 оқу жылында 36 мектеп ерекше тәртіп бойынша тексеру жүргізілген, анықталған кемшіліктер бойынша 53 айыппұл салынып өндірілді. Анықталған кемшіліктер мектептердегі санитариялық-эпидемиологиялық қорытындыларының сәйкес еместігі, жиһаздардың талапқа сәйкес таңбаланбауы, ауыз су режимінің сақталынбауы,жарық көздерінің жетіспейтіндігі,қоқыс жәшіктерінің беттерінің тығыз жабылмауы туралы 36 кемшіліктерді жою жөніндегі ұйғарымы берілді. 20 мектептің ұйғарымының орындалуы  қайта тексерілді.
Шиелі аудандық санитариялық-эпидемиологиялық бақылау басқармасының бас маманы Нұржанова Шәрікүл Мизамқызы