Өскен өңір Osken-onir.kz ақпараттық агенттігі
» » Ардагер аналар ардақталды

Ардагер аналар ардақталды

Жуырда аудандық ардагерлер кеңесінің төрағасы Ө.Исмаил мен аудандық билер кеңесінің төрағасы Т.Баймағанбетов арнайы Жақаев ауылдық округінде тұратын үш ардагер анаға құрмет көрсетті.
Шараны аудандық ардагерлер кеңесінің төрағасы Ө.Әзімханұлы ашып берді.
– Сіздер, ауданның ғана емес еліміздің алтын қорысыздар. Саналы ғұмырларыңызды, қажыр-қайраттарыңызды ел игілігіне, ұрпақ тәрбиесіне жұмсадыңыздар. Туған жердің дамуына қосқан үлестеріңіз аз емес. Жастарға, Отанымызға адал, қалтқысыз қызмет етудің жарқын үлгісін көрсетіп, кейінгі ұрпаққа лайықты өнеге танытып келесіздер. Алтын бастарыңыз аман болсын, – деді ол.
Мұнан соң медицина саласының ардагері қоғамдық қордың өкілі Күлсара Асанқызына республикалық «Ел Құрметі» қоғамдық қорының арнайы куәлігі табыс етілсе, одан соң 10 баланы өмірге алып келген алтын құрсақты ана, сауыншы болған Ақжан Фазылханқызын «Ел Құрметі» медалімен марапаттады. Сондай-ақ осы ауылда 26 жылдан астам диспетчер болған Үрбибі Өтегенқызына «Еңбек даңқы» ордені берілді.
Шара соңында Ыбырай Жақаев атындағы күріш өсіру тарихи музейінің директоры Құттықыз Ыханова «Бүгінде ауданда қай салада болсын әйел аналардың орны ерек. Олар бір кездері үйдің жұмысымен қоса түздің де жұмысын қатар алып жүрді. Барлық салада да белсенді болды. Бүгінгі алтын құрсақты аналарға құрмет көрсетіп, оларға лайықты марапат ұсынғанына қуанып отырмын. Марапаттарыңыз құтты болсын» деп лебізін білдірді.

Ш.Тілеубаев
08 тамыз 2022 ж. 508 0

PDF нұсқалар мұрағаты

№23 (9290)

01 сәуір 2025 ж.

№22 (9289)

31 наурыз 2025 ж.

№21 (9288)

26 наурыз 2025 ж.

Жаңалықтар мұрағаты

«    Сәуір 2025    »
ДсСсСрБсЖмСбЖс
 123456
78910111213
14151617181920
21222324252627
282930