Бүгін «AMANAT» партиясы Шиелі аудандық филиалы жанынан азық-түлік бағасына мониторинг жүргізу үшін мобильді топ құрылып, аудан орталығындағы базар, ет дүкендері, минимаркет супермаркеттердегі азық-түлік бағаларына бақылау жүргізілді.

Мониторинг топтың құрамына партия филиалы жанындағы қоғамдық кеңестің төрағалары, фракция мүшелері, бастауыш партия ұйымының төрағалары мен белсенділері, БАҚ өкілдері енгізілген.

Арнайы құрылған топ өкілдері кәсіпкерлерге түсіндірме жұмыстарын жүргізіп, шекті бағасы бар азық-түлік бағаларын негізсіз қымбаттатқан жағдайда кәсіпкердің өзіне шара көрілетіндігін ескертті.