Жиының күн тәртібінде Қазақстан Республикасының Президенті Н. Назарбаевтың Қазақстан халқына арнаған Төртінші өнеркәсіптік революция жағдайындағы дамудың жаңа мүмкіндіктері атты Жолдауын насихаттау туралы; «Нұр Отан» партиясы аудандық филиалының өткізген праймеризіне сәйкес №2 «Жөлек» сайлау округі бойынша Шиелі аудандық мәслихат депутаттығына үміткерді ұсыну туралы екі мәселе ұсынылып қаралды.
Аудандық партия филиалының төрағасы, аудан әкімі Әшім Оразбекұлының төрағалығымен өткен конференция жұмысына облыстың бастауыш партия ұйымдарынан сайланған 62 делегаттың 55 қатысты. Олар аудандық партия филиалы Саяси кеңесінің мүшелері, бастауыш партия ұйымдарының төрағалары, партия ардагерлері мен белсенділері, үкіметтік емес ұйымдарының өкілдері, «Жас Отан» Жастар қанатының және бұқаралық ақпарат құралдарының өкілдері.
Күн тәртібіндегі мәселелер толық қаралып тиісті қаулылар қабылданды.