БАТЫР АНАЛАР ҚҰРМЕТ ТӨРІНДЕ
Кеше аудан әкімдігінде14 ананы «Күміс алқамен», 2 ананы «Алтын алқамен» марапаттау салтанаты өтті.Ұрпағының санын арттырып, ел демографиясына үлес қосқан ақ жаулықты аналарды аудан әкімі Нариман Мақұлбеков қабылдап, Президенттің Жарлығына сәйкес аналарға Алтын және Күміс алқалар табыстады.
– Қазақ халқы әрқашан отбасылық құндылықтарды жоғары қойған. Әсіресе, алтын құрсақты аналарды халқымыз ерекше қадірлейді. Отбасының алтын діңгегі болып, тағылымды тәрбие, ізгі дәстүрлер сабақтастығын жалғап жүре беріңіздер, - деді құттықтау сөзінде аудан әкімі.
Шара барысында ақ жарма тілектер айтылып, көпбалалы аналар мемлекет тарапынан ана мен балаға жасалып отырған қамқорлыққа алғыстарын жеткізді.
Г.ЯХИЯ,
Б.Бәйімбет (сурет)
Б.Бәйімбет (сурет)
