Кеше Иіркөл ауылдық округі, Жансейіт ауылында жұмыссыз және кәсіпкерлікке ынталы ауыл жастарымен бейресми форматта кездесу жиыны өтті. Жиынға Қызылорда облысының кәсіпкерлер палатасының Шиелі ауданындағы филиалының кеңесші-заңгер маманы Құлшықбаев Ерлан кәсіпкерліктің алғы шарттары, «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған» бағдарламасы жөнінде толық ақпарат беріп өтті. 
Жиын соңында М.Сарекеев, Н.Қаппаров, Қ.Нұрланов, А.Құрманбековтер құс шаруашылығы, балық, мал шаруашылығына берілетін жеңілдетілген несиелер, кіші бизнес шаштараз, орталықтандырылған монша салудың жолдары т.б сауалдар жолдап, маман тарапынан тұшымды жауаптар алды.