Қазақстан Республикасы Үкіметінің 2016 жылғы 9 қыркүйектегі кеңейтілген отырысында көтерілген «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналан бағдарламасын» жүзеге асыру аясында Шиелі ауданында «Бастау Бизнес» жобасы бойынша кәсіпкерлік негіздерінде жалпы 202 адам оқытылып, сертификаттары табысталды. Ұсынылған жобалардың басым көпшілігі ауыл шаруашылығына, оның ішінде мал шаруашылығына және егін шаруашылығына бағытталған. Аталып отырған жобаның мақсаты – халықты нәтижелі жұмыс орындарымен қамтамасыз ету, азаматтарды кәсіп көзін ашуға баулу, әсіресе ауылдық жерлердегі жұмыссыздықтың санын азайтуға мүмкіндік беріп келеді. Ағымдағы жылда бизнесін қорғағандар саны 134 адамды құрады. Олардың 68-і қатысқаны туралы сертификат алса, 12 адам несиеге қол жеткізді. Бүгінгі күні тағы 36 жоба қаржыландыруға ұсынылды.