Қазақстан Республикасы Тәуелсіздігінің 30 жылдығы аясында Арман мәдениет үйіндегі «Арман» би үйірмесінің «Би өнері – ұлттың мәдени байлығы» тақырыбында есеп беру концерті өтті.
Би өнері сонау 15-18 ғасырда пайда болған деседі. Ал термин ретінде «Хореография» терминін француз би үйретушісі Р.О.Фейе енгізген.

Қазақ елінде би өнерінің ханшасы – Шара Жиенқұлова қазіргі бишілерге үлгі, өнегелі тұлға. Оның ізін жалғаушылардың бірі – «Арман» би тобы бұл күнде түрлі додаларда бақ сынасып, топ жарып жүр. Мың бұралып, өнерлерін паш етіп жүрген бишлердің жетекшісі Римма Ералы. Үйірме құрамында 3 түрлі топ бар: үлкен, орта, кіші. Топтарына қарай жастары да әртүрлі, яғни бүлдіршіндерден бастап ересектерге дейінгі құрам өнер ешқашан жас талғамайды деп біледі және би өнерін ынта-ықыласпен жақсы көреді.

Ән менен би бір-бірінен ажырамас егіз ұғым. Әсем әуен арқылы жан жадыраса, мың бұралған бишілердің Қазақ», «Аққу», «Әшекей», «Орыс», «Хорезм», «Әскери», «Моно-моно», «Қоңырау», «Зонтик», «Сиыр», «Достық» би өнерінен аудан тұрғындарының көңілі шабыттанды.