Қастерлі Рәміздерім

Әнұраным!

Өзіңді тыңдағанда жадырадым

Әр таңда әуелеген ырғағыңмен,

Шаттық пен нұрға толды шаңырағым.

Көк байрағым!

Өзіңсің – қасиетті текті айбарым,

Алтын күн алқалаған қыраныңды,

Көргенде өн бойыма от байладым.

Елтаңбам бар!

Арқардың мүйізінде зер таңбам бар,

Күн, пырақ, шаңырақпен кескінделген,

Өшпейтін – өнегелі қолтаңбам бар.

Ата заңым!

Сен барда мен азамат атанамын.

Өзіме тиесілі жәдігерді,

Арқалап болашаққа апарамын.

Рәміздерім!

Сендерден көрдім өшпес мән іздерін.

Көзімнің қарашығы сияқты ғып,

Қастерлеу – Рәміздерді парыз дедім.