Қазақ халқының тегі мықты, тарихы бай, тағдыры күрделі, астарлы тысты, алапат тілді, қабілетті, қайсар болмысын өскелең ұрпақтың бойына сіңіру менің ең басты парызым деп білемін. Күн сайын көз ілеспес жылдамдықпен даму үрдісіне қадам басқан Қазақстанның да келбеті адам танымастай өзгерді. Сандық жүйеге негізделген техника, басбармақпен басқарылатын баспана, робототехника сынды жаңашылдық жаһандану дәуірінің басты жаңалықтары болып тұр. Заман көшімен ілесіп жаңашыл ұстаз болу – менің айқын мақсатым. Конфуций айтқандай «Ескіден қол үзіп, жаңаға қол жеткізгендер ғана мұғалім бола алады». Яғни өз мамандығын ерекше ықыласпен сүйіп, білімін ұдайы жетілдіріп отыру керегін айтады. Иә, ұстаз болу – жүректің батырлығы. Ал инноватор ұстаз болу үшін жаңашылдыққа, тың идеямен, жеңіл әрі түсінікті әдістерге бейімделе білу қажет. Қағаз журналды арқалап жүретін кез де өтті. Бүгінгі таңда электронды күнделіктің қыр-сырын меңгеріп, білім саласындағы өзгерістерге машықтандық.

Елбасы «Ел ертеңі – білімді жастар» деп өскелең ұрпаққа үміт артса, оның салмағы маған, яғни ұстаздар қауымына түседі. Өйткені жаңа заман өзінің жаңа тұлғасын қоғамдық-әлеуметтік ортада өзін еркін ұстай алатын, жан-жақты дамыған, бәсекеге қабілетті мамандарды қажет етеді. Қазақстанды дамыған 30 елдің қатарына жеткізетін – білім. Соған орай оқытудың парадигмасы өзгерді. Білім берудің мазмұны жаңарып, жаңаша көзқарас пайда болды. Осылайша ұстаздар алдына оқытудың әдіс-тәсілдерін үнемі жаңартып отыру және технологияларды меңгеру, оны тиімді қолдана білу міндетін жүктеп отыр. Қазіргі талап – оқушыларды ойландыру, сезіндіру, ақпараттық құралдар арқылы өз беттерінше еңбектеніп, оқуға баулу. Мен оқытудың жaңa педaгогикaлық технологиялaрын caбaққa ендіре отырып, үлкен өзгерістерді байқадым. Cебебі елімізге зaмaн тaлaбынa caй қaлыптaн тыc ойлaй aлaтын, шұғыл шешімдер қaбылдaй білетін, белcенді, шығaрмaшыл aзaмaттaр қaжет.