сыбайлас жемқорлыққа жол жоқ

Мемлекеттік міндеттерді атқаратын, сондай-ақ, соларға теңестірілген адамдардың лауазымдық өкілеттігін және соған байланысты мүмкіндіктерін пайдалана отырып, не мүліктік пайда алу үшін олардың өкілеттіліктерін өзгеше пайдалану, жеке өзі немесе делдалдар арқылы заңда көзделмеген игіліктер мен артықшылықтарды заңсыз беру арқылы оларды сатып алу сыбайлас жемқорлық болып есептелінеді. Елбасымыз Н.Назарбаев «Қазақстанның әлемдегі бәсекеге барынша қабілетті 50 ел­дің қатарына қосылу Стратегия­­сы, Қазақстан өз дамуындағы жаңа серпі­ліс жасау қарсаңында» атты халыққа Жолдауында ұлттық қауіпсіздік пен қоғамдық тұрақтылыққа төнген қатер ретінде сыбайлас жемқорлыққа қарсы күрес жөніндегі жалпыұлттық кешенді бағдарламаны дәйекті түрде жүзеге асырудың қажеттігін айтып, сыбайлас жемқорлық қоғамның барлық мүшелеріне, сондықтан, жемқорлықпен күрес жалпы барша халықтың борышы екенін атап көрсетті. «Сыбайлас жемқорлыққа байланысты  қылмыстардың туындауының себебі көп. Оған ең алдымен мемлекеттік қызметшілердің құқық бұзушылыққа немқұрайлы қарауы, әдептілігінің жетіс­пеуі де, жеке басының қамын
ойлауы да парақорлыққа әкеліп соқтырып, азаматтардың конституциялық құқықтық мен заңды мүдделеріне қысымшылық жасайды. Мемлекеттің саясатының  бас­ты бағыттарының бірі азаматтардың құқықтары мен бостандықтарын қорғауға, сонымен қатар, сыбайлас жемқорлыққа байланысты құқық бұзушылықтың алдын алу, жолын кесу мен азайтуға бағытталған. Пара беру мен пара алудың қылмыс ретінде саналатынын халықтың санасына сіңіру мақсатында түсіндірме жұмыстары жүргізілуде. Сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы күресуге жәрдемдескен адам мемлекеттің қорғауында болып, Қазақстан Республи­ка­сының заңнамасында көзделген тәртіп­пен көтермеленетіндігі халықтың назары­на жеткізілуде. Үгіт-насихат құра­лы ретінде бильбордтар орналастырылып, жадынамалар таратылуда. Қазіргі таңда, бос орын болған жағдай­да техникалық қызметкерлердің жұмыс­қа орналасуы жүйеге келтіріліп, жергілікті қоғамдастық мүшелерінің келісімі негізінде хаттамалық шешімі арқылы  ұсынылуы, әлеуметтік тұрмысы төмен отбасының балаларының жұмысқа орналасуына ықпал жасалып, халықтың тұрмысының көтерілуіне септі­гін тигізуде. Мұның өзі сыбайлас жемқорлықтың алдын алуға бағыт­тал­ған жұмыстар екендігі даусыз. Бәсекеге барынша қабілетті 50 елдің қатарына қосылуды көздер ел болсақ, азаматтарымыздың бойында имандылық, адамгершілік, әділдік пен өз қызметіне деген адалдық болса сыбайлас жемқорлыққа жол бермейді.
Б.САРТАЙ,
Жөлек ауылдық округі әкімі аппаратының жетекші  маман,
заң қызметкері.