Байқауда бағы жанғандар
Сәрсенбі күні аудандық оқушылар үйінің ұйымдастыруымен «Туған өлке табиғаты» атты фото байқау өтті. Байқауға аудан мектептеріндегі 5-8 сыныптардан 16 оқушы қатысты. Сурет сайысының негізгі мақсаты – жас өрендердің танымдық қабілетін шыңдап, туған өлке табиғатын таныту.Жарысқа қатысқан жеткіншектерге аудандық жастар ресурстық орталығының кеңесшісі Ш.Мадиярова, білім бөлімінің әдістемелік кабинет әдіскерлері А.Шәденов, А.Иляджиева, ҚР суретшілер одағының мүшесі Р.Ибраев және «Өскен өңір» газетінің фото тілшісі Б.Бәйімбет қазылық етті.
Сайыс нәтижесі бойынша №127 мектеп-лицейінің 7 сынып оқушысы Диас Тұяқбай І орынды иеленді. Ал №41 орта мектептің білім алушысы Лана Ерболатқызы және №241 орта мектептің оқушысы Айдар Нұрөмір ІІ орынды жеңіп алды. ІІІ орын №270 орта мектептің оқушысы Бақнұр Үйсінбай, №149 орта мектепте білім алушы Азамат Байсалбаев, №251 орта мектептің оқушысы Жанерке Серікке бұйырды. Байқауда бағы жанғандар дипломмен марапатталды.
М.БОЛАТҚЫЗЫ
