«Абай залы» ашылды
Сәрсенбі күні аудандық орталық кітапханада «Абай залының» ашылу салтанаты өтті. Аталған шараға аудандық мәдениет және тілдерді дамыту бөлімінің басшысы Исабек Байкенжеев, ҚР Журналистер одағының мүшесі, ақын Өркен Исмаил, аудандық білім бөлімінің әдіскері Әмина Тәжиева, аудандық ішкі саясат бөлімі мен жастар ресурстық орталығы және кітапхана қызметкерлері, кітапхана оқырмандары, БАҚ өкілдері қатысты.Ұлы ойшылдың құрметіне орай ұйымдастырылған шара әуелі Абай келбетін бейнелеумен түрілді. Одан әрі кітапхана қызметкерлері Абайдың қара сөздерін, өлеңдерін, әндерін нақышына келтіре орындап, көрерменнің ыстық ықыласына бөленді. Салтанатты шарада кеш қонақтары И.Сәрсенбайұлы, Ө.Исмаил, Ә.Тәжиева, Г.Назарбаева сөз алып, аталған шара туралы өз ойын білдіріп, ұйымдастырушыларға алғысын жеткізді. Олар «А.Құнанбайұлының 175 жылдық мерейтойына әрбіріміздің үлес қосу керектігімізді айта келіп, ойшылдың шығармашылығын оқуға шақырды, ал ардагер Ө.Исмаил тарапынан «Абай залын» көшпелі етіп ұйымдастырып, аудандағы білім ошақтарына апару керек деген ұсыныс тасталды. Сонымен қатар «Нартай» өнер мектебінің директоры М.Бекпейісов бастаған өнер ордасы да осы кешке өз үлесін қосты. Олар Абай атамыздың әндерін қалықтата орындап, көпшілікті дән риза етті. Жиын соңы кітап көрмесін тамашалаумен аяқталды.
Фариза КЕНЖЕШОВА
