Менің атам желтоқсаншы
Тәуелсіздік – барлығымыз үшін ерекше мереке. Бірліктің, ынтымақтастық пен татулықтың мейрамы. Мемлекетіміздің тәуелсіздігі – ең алдымен халқымыздың бақыты. 1986 жылы болған желтоқсан оқиғасы еліміздің еркіндік алуына себеп болды. Сол кезде біздің ата-әжелеріміз алаңға шығып, ұлттық мәселені талап еткен болатын. Олардың қатарында менің атам Әнуар Жахаев та бар болатын. Атам ол кезде студент еді. Өзінің айтуы бойынша, достарымен бірге алаңға шығып, қазақ елінің дербес мемлекет болуы үшін ештеңеден қорықпаған. Одан соң атамды оқудан да шығарып жіберген. Қазір ол «Волковгеология» АҚ филиалында жұмыс істейді.Осындай ата-апаларымыздың ерлігімен келген тәуелсіздікті әр азамат мақтан тұтады. Ал егемен елде тұру – мен үшін шынайы бақыт. Бүгінде біз – қанатын кеңге жайған еркін елміз. Тәуелсіздіктің көк туының желбірегеніне де, міне, 28 жыл толды. Мен тәуелсіз елдің тұрғыны болғаным үшін көкірегімді қуаныш кернейді. Еліміздің бейбітшілігінің, тәуелсіздігінің арқасында күліп-ойнап, еркін білім алып жатқан ерікті елдің еркін ұланының бірімін.
Ренат Дастанұлы,
№46 А.Пушкин атындағы мектеп-лицеінің оқушысы
