Атаулы әлеуметтік көмек көрсету – ауданның әлеуметтік тұрақтылығын қамтамасыз етудегі басым бағыттың бірі. Биылғы 1 сәуірден бастап атаулы әлеуметтік көмектің жаңаша тағайындалғаны белгілі. Мемлекет тұрғындарға жәрдемақы беріп қана қоймай, тұрақты жұмыспен қамтуды да қолға алған. Мәселен бүгінде Шиелі ауданында 3 367 отбасы атаулы әлеуметтік көмек алады. Ал олардың ішінде 336 адам жұмыспен қамтудың белсенді шараларымен қамтылған. Нақтырақ айтсақ, 174 азамат тұрақты жұмысқа орналастырылып, 138 азамат ақылы қоғамдық жұмысқа, 6 азамат әлеуметтік жұмыс орнына, 8 азамат жастар тәжірибесіне және 10 азамат қайта даярлау, біліктілігін арттыруға жіберілді.