Павлодарда азық-түлік жәрмеңкесі ұйымдастырылды

Мерекелік дастарханға қажет ас мәзірі павлодарлықтар үшін арзан бағамен сатылды. Жергілікті тауар өндірушілері 30 тоннадай азық-түлік түрлерін дәстүрлі жәрмеңкеге шығарған. Олар ет-сүт, нан-тоқаш бұйымдары, бал мен көкөністің кең түрін ұсынды. Өнімнің сапасы жоғары, бағасы өзге сауда орталықтарымен салыстарғанда 15-20 процентке арзан. Әдетте ауылшаруашылық өнімдері сенбі күндері саудаланатын. Жеңіс күніне орай жергілікті билік бұл жолы кезектен тыс өткізуге шешім қабылдапты. Жәрмеңкеге келгендер сондай-ақ мерекелік концертті тамашалады. Ертай Қабылхақов, қала тұрғыны: - Бағалары жақсы, өте қолжетімді. Жәрмеңке ата-бабамыздан келе жатқан дәстүр ғой. Қуаныш болса да. Халықтың көңілінен шығып жатыр. Міне өзім алдым, өте арзан, ыңғайлы.

Источник: https://24.kz/kz/zha-aly-tar/o-am/item/314035-pavlodarda-azy-t-lik-zh-rme-kesi-jymdastyryldy