Мамандар Тегеранда орналасқан реакторларды зерттеу орталығын қажетті техникамен қамтамасыз етіп, қайта жаңғыртып үлгерген. Билік өкілдерінің мәліметінше, бұл өзгеріс иран ядролық бағдарламасына қатысты келісімді бұзбайды. Маусым айында ресми Тегеран бұл жаңалықты Атом энергетикасы жөніндегі халықаралық агенттікті (МАГАТЭ) хабардар еткенін айтты. Еске сала кетейік, 2015 жылы АҚШ, Ресей, Ұлыбритания, Франция, Қытай және Германия Иранмен осы елдің ядролық бағдарламасын реттеуге бағытталған келісімге қол қойған. Құжатқа сәйкес, Тегеран өзіне алған міндеттерді орындағаны үшін осы мемлекетке салынған санкцияларды алып тастау қарастырылған. Ал осы жылдың мамырында АҚШ президенті Дональд Трам арнайы мәлімдеме жасап, Вашингтон Иран келісімінен шығатынын мәлімдеп, Ислам Республикасына қарсы санкцияларын қүшейтетінін айтты.
www.24.kz