Өскен өңір Шиелi аудандық қоғамдық-саяси газет
» » ММА. Жерлесіміз үшінші рет әлем чемпионы атанды

ММА. Жерлесіміз үшінші рет әлем чемпионы атанды

Нұр-Сұлтан, BAQ.KZ. 29 қаңтарда Абу-Дабиде ММА бойынша әлем чемпионаты аяқталды. Әлем чемпионатына әлемнің 56 елінен 421 спортшы қатысты. Жарыстар 18-21 жас (жастар) және 21+ (ересектер) жас санаттары бойынша өтті. Қазақстан атынан 29 салмақ дәрежесі бойынша 42 спортшы қатысты.

Бұл туралы Қазақстанның біріккен ММА федерациясының баспасөз қызметі хабарлады.
Ақтөбелік Бағдат Жұбаныштың (52,2 келіге дейін) хет-тригі ММА әлеміндегі тарихи оқиға болды. Ол финалдық жекпе-жекте ресейлік Фарход Рахмоналиевті жеңіп, әуесқой ММА бойынша тұңғыш үш дүркін әлем чемпионы атанды. Жекпе-жектің үш раунды жерлесіміздің басымдығымен өтті. Төрешілер бірауыздан шешім шығарып, жеңісті Жұбанышқа берді.
56,7 келі салмақ дәрежесінде өткен белдесуде Алматы облысының өкілі Дастан Жақыпбеков ресейлік Бектұр Женишбек уулуға төрешінің шешімімен ұтылды.
Бекзат Жасия (Шымкент қ.) ММА бойынша ересектер арасындағы әлем чемпионатының екінші алтынын Қазақстан қоржынына әкелді. 65,8 келіге дейінгі салмақта су жаңа чемпион қарсыласы испандық Хуан Изкуэрдоны төрешілердің шешімімен ұтты.
Финалда қазақстандық жалғыз қыз Айжан Әбдіқадыр (Жамбыл облысы) болды. Ол 70,3 келіге дейінгі салмақта өнер көрсетеді. Ол екі раунд бойына жекпе-жекте жеңіп, үшінші раундта оның қарсыласы ресейлік Ольга Лагодная қолға ауырту әдісін жасады. Айжан қолайсыз жағдайдан шыға білді, сонда да төрешілер ресейлік әйелге басымдық берді.
Соңғы жекпе-жегінде 120,2 келіден жоғары салмақ дәрежесінде павлодарлық Расул Хатаев ресейлік Шамсутдин Махмудовтан техникалық нокаутпен ұтылды. Айта кетейік, кеше ол жартылай финалдық жекпе-жекте жеңіске жетіп, осы салмақта екі дүркін әлем чемпионын жеңген болатын.
ММА бойынша ересектер арасындағы әлем чемпионатының соңғы күнінің қорытындысы бойынша Қазақстан құрамасының қоржынында тарихта алғаш рет екі алтын бар. Сондай-ақ 3 «күміс» және 6 «қола».
Еске салайық, кеше ММА-дан жастар арасындағы әлем чемпионатының финалында Қазақстан құрамасы 2 алтын, 4 күміс және 6 қола медаль жеңіп алып, жалпыкомандалық екінші орынға табан тіреген болатын.
30 қаңтар 2022 ж. 2 072 0

Соңғы жаңалықтар

PDF нұсқалар мұрағаты

№64 (9021)

12 тамыз 2022 ж.

№63 (9020)

09 тамыз 2022 ж.

№62 (9019)

06 тамыз 2022 ж.

Жаңалықтар мұрағаты

«    Тамыз 2022    »
ДсСсСрБсЖмСбЖс
1234567
891011121314
15161718192021
22232425262728
293031 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам