Өскен өңір Osken-onir.kz ақпараттық агенттігі
» » Қазақстан құрамасы муайтайдан әлем чемпионатында бес медаль иеленді

Қазақстан құрамасы муайтайдан әлем чемпионатында бес медаль иеленді

ÒазаÒÑÑан ÒÒ±ÑамаÑÑ Ð¼ÑайÑайдан Óлем ÑемпионаÑÑнда Ð±ÐµÑ Ð¼ÐµÐ´Ð°Ð»Ñ Ð¸ÐµÐ»ÐµÐ½Ð´Ñ
Таиланд елінің Бангкок қаласында ересектер арасында муайтайдан әлем чемпионаты өтті, деп хабарлайды Елорда Инфо ҚР муайтай федерациясына сілтеме жасап.

Бұл жарыста 13 қазақстандық тайбоксшы екі дивизионда өнер көрсетті, элиталық A класта және U23 класында (17-23 жас). Қазақ елінің спортшылары чемпионатта бес жүлде ұтып алды. Бақытжан Арифханов (51 келі), Еламан Саясатов (54 келі) және Ильмира Кунахунова (67 келі) қола медаль иеленді.

60 келі салмақ дәрежесінде (class U23) өнер көрсеткен Ерқанат Оспан күміс жүлдеге қол жеткізді. Алғашқы жекпе-жекте қазақстандық спортшы украиналық Сергей Радовты нокаутқа түсірді. Ширек финалда малайзиялық Мохд Фазадкиды ұтып, жартылай финалда колумбиялық Томас Чавераны жеңді. Финалда Ерқанат қытайлық Ионг Ченге есе жіберіп екінші орынға иеленді.

57 келі салмақ дәрежесінде (Elite A) Алмаз Сәрсембеков әлем чемпионы атанды. Жартылай финалда Алмаз украиналық Владислав Микитасты ұтты. Ал финалда Сәрсембеков ресейлік Сергей Абрамовты ұпай санымен жеңді. Қазақстан үшін ол көптен күткен алтын жүлде. Соңғы рет 12 жыл бұрын қазақстандық тайбоксшы Алмаз Қасенов (81 келі) элиталық А-класста әлем чемпионы атанған болатын.

Жалпы медальдық есепте Қазақстан ұлттық құрамасы 5 жүлдемен (1 алтын, 1 күміс, 3 қола) 10-шы орынға ие болды. Бангкокта өткен әлем чемпионатына 99 мемлекет қатысты.

24.kz
31 шілде 2019 ж. 613 0