Жұмыспен қамту жүйелі жүргізілуде
Бүгінде, әлемдегі дамыған озық елдердің қатарынан өзіндік орын алып, технологиялық ілгерілеу жағынан жаһандық көшке ілесіп қана қоймай, сонымен қатар, рухани жаңғырып, келешектің еншісінде биік мақсат, берік мұраттарды бағдар етіп отырған еліміздің әлеуметтік қорғау жүйесінде де жыл санап жақсы жаңалықтар жария болуда. Көптеген тың бағдарламалар қабылданып, тиісті іс-шаралар жоспарланып, жұмыстар жүйелі атқарылып жатыр. Еліміздегі мемлекеттік саясаттың басты бағыттары адамдық капиталдың дамуын, халықтың өмір сүру деңгейі мен сапасын арттыруды көздейді. Сондықтан да жұмыспен қамту мәселесі жоғарғы деңгейде қолға алынып отыр.
Ал, биыл Қызылорда облысы бойынша жұмыссыздар саны 97,5 мың адамнан 36 мың азаматқа дейін төмендеді. Бұл туралы Астана қаласы Орталық коммуникациялар қызметінде Қызылорда облысының әкімі Қ.Көшербаевтың баспасөз конференциясы барысында атап өтті.
