Өскен өңір Osken-onir.kz ақпараттық агенттігі
» » Астанада «Бизнесті құтқару қызметі» жобасы іске қосылды

Астанада «Бизнесті құтқару қызметі» жобасы іске қосылды

«Атамекен» ҰКП «Бизнесті құтқару қызметі» пилотты жобасын іске қосты. Енді шағын бизнес өкілдері үшін консультация алатын және заңсыз тексеруді тоқтататын 1432 байланыс орталығы құрылды, деп хабарлайды Baq.kz ақпарат агенттігі елорда әкімдігінің ресми сайтына сілтеме жасап.

«Бизнесті құтқару қызметі» түрлі саладағы кәсіпкерлер үшін жұмыс істейді, яғни қоғамдық тамақтану орны (ресторан, бар, кафе), қызмет көрсету саласы (сән салоны, турагенттер, киім жөндеу және тігу және басқа), сервис (тамақты жеткізіп беру), сауда, сондай-ақ жөндеу және монтаж жұмыстарын жүзеге асыратын бизнесмендерге арналған.
Жоба Астанада пилотты режимде іске асырылып жатыр және елордадағы шағын және микро-бизнесті шұғыл түрде тиімді қолдауға бағытталған. 1432 номері бойынша астана кәсіпкерлеріне өзекті және жедел кеңес ұсынылады, ал «Құтқару қызметі» мобильдік тобы сол айтылған жерге шұғыл түрде барады.
Егер жоба қолданыстан сәтті өтсе республика бойынша енгізілетін болады. «Атамекен» ҰКП қоғаммен байланыс жөніндегі департаменті хабарлағандай, «Бизнесті құтқару қызметі» келесідегідей принциппен жұмыс жасайды:
«Егер Астана кәсіпкеріне бақылаушы органнан, салықтан немесе көші-қон қызметінен, полициядан заңсыз тексеруге келсе болмаса есепшотты арестке алса, бизнес объектіні коммуникациядан өшірсе – сізге шұғыл түрде көмек көрсетіледі».
Мобильді топтың құрамына «Атамекен» ҰКП, прокуратура, жемқорлыққа қарсы органдар, Астана ІІД және ТЖД қызметкерлері кіреді.
06 қазан 2018 ж. 906 0