Үлкенді сыйлау, оларға құрмет көрсету - ата-бабадан келе жатқан салтымыз. Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек. Себебі әрқайсыларыңыздың ауылдың өсіп-өркендеуіне қосқан үлестеріңіз бен еңбектеріңіз ерен. Талай жасты тәрбиелеп, ізбасарларыңызды өсірдіңіздер. Бүгін, еңбектеріңіздің зейнетін көріп отырған шақта да Сіздер ұрпақтарыңызға игілік пен ізгіліктің, пайым-парасаттың үлгісін танытудан жалыққан емессіздер.
Ақмая ауылында 29 қыркүйекте - Қарттар күні аталып өтілді. "Ақмая" шаруақожалығының директоры, аудандық мәслихат депутаты Д.Жұмбеков барлық зейнеткерлерге 25 кг ақ күріш таратты, "Аймира" балабақшасының меңгерушісі Ж.Әділбек 70 жастан асқан зейнеткерлерге сый-сыяпатын жасады. Соңынан ардагерлерге дастархан жайылып, ән шырқалды.
#қарттарымызаманболсын

Ақмая ауылдық округі ФБ парақшасынан