Астана қаласына 20 жылдығы, Шиелі ауданының 90 жылдығына орай «Жөлек» ауылдық мәдениет үйінде, «Сексеннің шықты биыл сеңгіріне » атты мерейтой иелерін ардақтау мақсатында іс-шара өтті. Ауданның 90 жылдық тарихында абыройлы еңбек етіп, егемен елдің баянды болашағына үлес қосқан Жөлектегі 1938 жылы туылған бірқатар ауыл тұрғындарын мәдениет үйіне жинап, шапан жауып, құрмет көрсетті. Әртүрлі салада қызмет етсе де, туған жері мен елі үшін еңбек еткен зейнеткерлер, ауылдың өркендеуіне елеулі үлес қосқан еңбек ардагерлері Ә.Досанов, Ж.Нұрманұлы, Ә.Тәжібаев, Р.Бабеков, З.Әлжанова, Т.Беккелеева, К.Төлегенқызы, П.Байдрахманова, П.Аманжолова және К.Аширова сынды аналарымыз құрмет құшағына бөленді.
Ауыл әкімі Б.Сахов, ауылдың ардагерлер кеңесімен ауыл тұрғыны Махмуд Мақұлбековтің ұлдары Ержан мен Бауыржанның ұйымдастырумен дайындалған кеш көптің көңілінен орын тапты.

Жұлдызай Ноғайбайқызы.