Ұлыстың ұлы күні ұлықталды
Әз-Наурыз, Ұлыстың Ұлы күні аудан көлемінде кеңінен аталып өтті. Жаңа жылыңмен, жаңа жасыңмен деп құшақ айқастыра төс қағысқан сондай дуиманды той Ә.Тәжібаев ауылында да болып өтті. Мешіт алдында наурыз көжеден дәм татқандар мектеп ауласында ұйымдастырылған мерекелік шараны көруге асықты. Ұлттық спорт түрлерімен қатар футболл және валейболдан жарыстар өттіп, көше-көше бақ сынасты. Мерекелік шара аясында сексеннің сеңгіріне шыққан ардегер ұстаз Тахир Махамбетке шапан жауып, құрмет көрсетілді. Әуезді ән, мың бұралған би мен күмбірлеген күй үнімен көмкерілген Әз-Наурызда ақ тілектер ағылды.
