Аудандық «Салтанат» сарайында Конституция күніне арналған салтанатты іс шара өтті. Аталған шараға мемлекеттік мекемелер мен құқық қорғау органдары және мәслихат депутаттары, ардагерлер мен аудан тұрғындары қатысты.
Мерекелік шара мемлекеттік ән ұранмен ашылып, аудан әкімі Әшім Оразбекұлы жиналғандарды 30 тамыз - Конституция күнімен құттықтады.
Аудан басшысы құттықтауында Ата заңымыз - ел тәуелсіздігінің ажырамас бөлігі, мемлекеттігіміздің басты белгісі, елімізде салтанат құрған тұрақтылықтың, бейбіт өмірдің кепілі екенін атап өтті.
Сондай ақ, Конституциямыздың баптарымен баянды етілген заңдарының үстемдігін қамтамасыз ету, азаматтардың құқықтары мен бостандықтарын қорғау мақсатында жан-жақты ізденіспен жұмыс жасап, қоғамдық – саяси өміріне өлшеусіз үлесін қосқан бірқатар қызметкерлер марапатталды.
Мерекелік шара аудандық мәдениет үйінің өнерпаздарының концерттік бағдарламасына ұласты.

Шиелі ауданы әкімдігі фейсбук парақшасынан