Аудандық мәдениет үйінде 7 мамыр – Отан қорғаушылар күніне арналған «Отан – бақыт ордасы» атты салтанатты шара өтті. Аудан әкімі Әшім Оразбекұлы жиналған көпшілікті Отан қорғаушылар күнімен құттықтап, игі тілегін жеткізді. Шарада аудан әкімі су тасқынының алдын алу кезеңінде төтенше жағдайлардың алдын алуды және жоюды қамтамасыз етудегі ерекше қызметі үшін К.Маматов, С.Болат, Е.Мәміреев, С.Үсенбаев, Б.Қасымов, С.Нысанбайұлы облыс әкімінің «Алғыс» хатымен, еліміздің қорғаныс саласын нығайтуға, өскелең ұрпақты патриоттық рухта тәрбиелеуде зор үлес қосқаны үшін Қазақстан Республикасы Қарулы Күштерінің зейнеткері, запастағы подполковник С.Әлімбетов аудан әкімінің Құрмет грамотасымен, Отанға қалтқысыз қызмет етудің жарқын үлгісін көрсетіп жүрген ардагерлер мен қызметкерлерді алғыс хатпен марапаттады. Салтанатты жиыннан соң аудандық мәдениет үйінің өнерпаздары жиналған қауымға мерекелік көңіл-күй сыйлады.