Байсындағы оң бастама
Елбасымыз Н.Ә.Назарбаевтың «Әлеуметтік-экономикалық жаңғырту - Қазақстан дамуының басты бағыты» атты Жолдауындағы міндеттерді шешу барысында ауданымызда шешімін тауып жатқан игі бастамалар, шағын және орта кәсіпкерлік субъектілеріне жасалған жеңілдіктер, «Жұмыспен қамту - 2020» бағдарламасы аясындағы ауқымды жұмыстар елдің елдігін өсіреді.
Осындай оң бастама Байсын ауылындада орын алды. Аталған ауылда жаңадан бой көтерген шаштараздың ашылу салтанаты болып өтті. Жаңа шаштараздың ашылу рәсіміне аудан әкімінің орынбасары А.Есмаханов қатысып, ауыл әкімі М.Қазыбаев халыққа жақсы лебіздер мен ақ тілектерін арнады. Кәсіпкер М.Еділбаевтың еңбегіне жеміс тілеп, бұл игі істің ауыл тұрғындарына тигізер ықпалының мол болатынына сенімін білдірді.
