Жаңа балабақшаның лентасын аудан әкімі мен ғимараттың салынуына демеушілік жасаған кәсіпкер Абдулла Әділбеков қиды. Тәттіден шашу шашылып, жиналғандар «бүлдіршіндер ордасы ел игілігіне қызмет ете берсін» деген тілектерін жаудырды.
Бас-аяғы 100 млн. теңгеден аса қаржыға салынған ғимарат 120 орынға арналған. Қазіргі уақытта 80 бала 4 топта тәрбиеленуде. Ауылдағы 25 жанды жұмыспен қамтып отырған балабақша құрылтайшысы Жәмила Әділбек «Балабақша ғимараты бұрынғыға қарағанда әлдеқайда кең әрі ыңғайлы. Ата-аналар да дән риза. Алдағы уақытта тағы да 2 топ ашуды жоспарлап отырмыз», – дейді.
Бүгінде ауданда 17 мемлекеттік, 63 жеке балабақшамен қатар 48 шағын орталық жұмыс жасайды. Мектепке дейінгі балалар балабақшамен толық қамтылған.
Гүлхан ЯХИЯЕВА.