Аумақтық коалиция өкілдері Қабілеш Бекішев, Қалмырза Қасымов, Ержан Жорабеков, Азамат Қали және Нұрсұлтан Сапарбаев әлеуметтік сала қызметкерлерімен кездесіп, жаңа конституция жобасының негізгі бағыттары жан - жақты түсіндірді.



Аталған конституция жобасында әлеуметтік әділеттілік және тең мүмкіндіктер – барлық азаматтар үшін білім, денсаулық сақтау және әлеуметтік қорғау салаларында тең құқықтар қамтамасыз етіледі. Мүмкіндігі шектеулі азаматтар мен осал топтарды қолдау – инклюзивті ортаны қалыптастыру және әлеуметтік кепілдіктерді кеңейту мәселелері қарастырылады. Мемлекеттік органдардың жауапкершілігі мен ашықтығы – «Мемлекет адам үшін» қағидаты нақты жүзеге асырылып, мемлекеттік қызмет сапасы мен есептілік күшейтіледі. Қоғамдық қатысу тетіктерін дамыту – азаматтардың мемлекеттік шешім қабылдау үдерісіне қатысу мүмкіндіктері кеңейтіліп, қоғамдық бақылау институттары жетілдіріледі. Кездесу барысында әлеуметтік сала қызметкерлері сұрақтарын қойып, ашық диалог форматында өткен іс-шара қатысушыларға жаңа Конституция жобасының мәні мен маңыздылығын нақты түсінуге мүмкіндік берді.

«Жаңа Конституция – Қазақстанның құқықтық жүйесін нығайтып, азаматтардың құқықтарын қорғауға, әлеуметтік әділеттілікті қамтамасыз етуге және елдің тұрақты дамуына бағытталған стратегиялық құжат болып табылады. Қабылданатын Конституция жобасы – еліміздің даму бағытын айқындайтын, қоғамның келешек құқықтық‑әлеуметтік негізін құрайтын маңызды құжат. Оның маңыздылығы бірнеше негізгі бағыттарда көрініс табады» – деді аумақтық коалиция мүшесі Қабілеш Бекішев.

Коалиция мүшелері халық пікірі реформалардың басты тірегі екенін айтып, мұндай кездесулер алдағы уақытта да жалғасатынын хабарлады.