Сапар барысында төраға алдымен аудан әкімдігінің мәжіліс залында партия активімен кездесіп, аудандық партия филиалымен атқарылған жұмыстарды саралап, алдағы міндеттерді пысықтады.

Актив отырысына партия ардагерлері, облыстық мәслихат депутаты Даулет Жұмбеков, аудандық мәслихат төрағасы Мұрат Тұрабаев, партиядан сайланған аудандық мәслихат депутаттары, саяси кеңес мүшелері, партиялық бақылау комиссия мүшелері, бастауыш партия ұйымдарының төрағалары мен хатшылары, аудандық филиал қызметкерлері мен «Жастар Рухы» жастар қанатының мүшелері, БАҚ өкілдері қатысты.

Актив отырысында Шиелі аудандық партия филиалының төрағасы Болат Сыздықтың, аудандық партия филиалының ұсынуымен сайланған Жаңатұрмыс ауылдық округінің әкімі

Б. Шәкіртаевтың, «Иіркөл» бастауыш партия ұйымының төрағасы Айнұр Архабаеваның, «Жастар Рухы» жастар қанатының Шиелі аудандық бөлімше басшысы Азамат Қалидың 2024 жылы атқарған жұмыстары жөнінде есебі тыңдалды.

Бүгінде аудандық филиалға қарасты 5 786 партия мүшесінен құралған 24 Бастауыш партия ұйымдары бар. Оның ішінде 2 ірі Бастауыш партия ұйымы жұмыс жасайды. Жол картасы бойынша 60 іс-шараның 59-і орындалып (98%), қалған 1-еуі орындалу сатысында. Партиялық бақылау бекеттері орнатылған 8 нысанға (Тартоғай, Алмалы, Бестам, Ортақшыл, Телікөл ауылдарында дәрігерлікамбулаториялар, Жансейіт елді мекеніне 100 орындық орта мектеп және №252 мектеп-гимназиясының 375 орындық қосымша ғимараты) мониторинг жүргізіліп, 7-еуі пайдалануға берілді. Қоғамдық қабылдау жұмыстары бойынша 684 өтініш тіркелген. Оның 527 өтініші (77%) бойынша оң шешім қабылданған, 157 мәселе бойынша кеңес берілді. «Жер аманаты» жобасы бойынша жоспарланған 5 мың га жердің 6 мың 350га қайтарылып орындалды, жоспар 127% атқарылды. «Ауыл аманаты» жобасы аясында Шиелі ауданына 164,0 млн. қаржы бөлінді. Бүгінге 230,0 млн. теңге құрайтын 29 жобаның 172,2 млн. құрайтын 22жобасына несие берілді. «Қарызсыз қоғам» жобасы аясында қаржылық сауаттылық бойынша оқыту семинарына 1440 адамды қатыстыру жоспарланған, қазіргі таңда 1501 тұрғын(104,2%) оқытылды. Аудандық филиалға қарасты 24 бастауыш партия ұйымдарында 5786 партия мүшесі бар. Бастауыш партия ұйымдарының кабинеттері жасақталып, стенд, табличка және партия туымен толық қамтамасыз етілген. Партияның «Кедергісіз келешек» жобасы аясында мүмкіндігі шектеулі жандарға кедергісіз орта қалыптастыру мақсатында пандустарға 40 нысанда мониторинг жұмыстары жүргізілді. «Ардагерлерді ардақтайық» жобасы аясында Соғыс және тыл ардагерлеріне, еңбек ардагерлерінеқұрмет көрсетілді., «Бақытты отбасы» партиялық жобасы аясында әлеуметтік аз қамтылған отбасылармен түрлі форматтағы шаралар оның ішінде «Баланы мектепке даярлайық» акциясы аясында 200 ден астам балаға көмек көрсетілді, «Ұлттық мұра» жобасы аясында ұлттық құндылықтарды дәріптейтін идеологиялық шаралар, «Жастарға жұмыс» жобасы аясында жәрмеңкелер ұйымдастырылды; «Tazalike» партиялық жобасы бойынша бастауыш партия ұйымдарымен тұрақты түрде «Таза бейсенбі» тазалық акциясы ұйымдастырылып, әлеуметтік желіге жарияланды. «Атамекен» БПҰ төрайымы Н.Шалекеева «Tomiris» жобасына қатысып, іріктеу кезеңдерінен өтіп, Астана қаласында көшбасшылық оқыту курсынан өтті. «Кітап-AMANAT» жобасы аясында мәдени танымдық шаралармен авторлармен кездесулер өтті, «Халыққа көмек» партиялық жобасы аясында тұрақты түрде қоғамдық қабылдаулар өткізілді. Жалпы Бастауыш партия ұйымдарының ұйымдастыруымен 282 іс-шара өтті. Оның ішінде 47 шара трансферт есебінен 3 947 427 теңгеге қаржыландырған, — деді Болат Мүбәрәкұлы.

Атқарылған жұмыстармен танысқан партияның облыстық филиалының төрағасы Алмасбек Есмаханов партия активі алдына сайлауалды уәделердің орындалуын қатаң бақылауға алу, қоғамдық қабылдау бөлмесіне тұрғындардан келіп түсетін өтініштердің оң шешілуіне ықпал ету, партиялық жобаларды жүзеге асыру барысында сайлаушылармен жүйелі әрі тиімді жұмыс жүргізу, бастауыш партия ұйымдарының жұмысын күшейтіп, олардың рөлін арттыру, партия атынан ұсынылған ауыл әкімдерің жауапкершілігін күшейтіп, сайлауалды уәделерінің орындалуына жұмыс жасау жөнінде міндеттер қойды.

Мұнан соң, партияның Қызылорда облыстық филиалының төрағасы Есмаханов Алмасбек Әбілқасымұлы сөз алып, 2024 жылы партияның облыста атқарылған жұмыстарын баяндап, алдағы жылғы партияның міндеттеріне тоқталды.

Отырыс соңында, партияның Қызылорда облыстық филиалының төрағасы Алмасбек Әбілқасымұлы партия қатарына жаңадан қабылданған азаматтардың партия билеттерін салтанатты түрде табыстап, ауданның дамуына және партиялық жобалар мен шаралардың жоғары деңгейде ұйымдастырылуына үлес қосып, белсенділік танытқан бірқатар азаматтарды марапаттады.