Сайлауалды үгіт-насихат жұмыстарын жүргізу мақсатында «AMANAT» партиясынан Шиелі ауданы әкімі лауазымына үміткер Айтбай Жандарбеков Бестам ауылдық округінің тұрғындарымен кездесті. Келелі кездесуде Айтбай Жандарбеков сайлауалды бағдарламасының басым-бағыттарын таныстырды. Шиелі ауданының инфрақұрылымдарын кеңейтіп, азаматтардың жайлы өмір сүруіне жағдай жасауға, аудан көлемінде жұмыссыздық және жұмыспен қамтылу деңгейі бойынша тұрғындарды тұрақты жұмыспен қамтылуына баса назар аударып, күш салатынын айтты. Сондай-ақ кандидатты қолдау жөніндегі штаб мүшелері, сенімді өкілдері Болат Сыздық, Дәулет Жұмбеков, Жанкелді Ысқақ, Тұрмат Баймағанбетов, Асылхан Өмірәлиев, Сәбитхан Досанов, Біржан Өтебаев, Нұрсұлтан Сапарбаев, Рамазан Әнәпия қатысып, қолдау білдірді. Жиын барысында ауыл тұрғындары кандидаттың сайлауалды бағдарламасында көрсетілген шараларға оң бағасын беріп, сәттілік тіледі.