«АMANAT» партиясы атынан Шиелі ауданы әкімі лауазымына үміткер Айтбай Жандарбеков сенімді өкілдерімен бірге Жаңатұрмыс ауылдық округінің тұрғындарымен кездесті. Кездесуде Айтбай Жандарбеков сайлауалды бағдарламасында көрсетілгендей, Аудан көлемінде жұмыссыздық және жұмыспен қамтылу деңгейі бойынша тұрғындарды тұрақты жұмыспен қамтылуына баса назар аудару, аудандағы өнеркәсіп саласына, кәсіпкерлік және ауылшаруашылығы бағытында инвестиция тарту мәселесіне басты назар аударып, жаңа жұмыс орындарын ашуға, Кент және ауылдық округтердегі ыза су деңгейін реттеу - жер асты суларының деңгейін мелиорациялық шараларды жүзеге асыру арқылы коллекторлы-дренажды насос (су төгетін сорғы) орнату жұмыстарын шешуге бар күш жігерін салатынын айтып өтті. Жиын барысында үміткердің сенімді өкілдер Жанкелді Ысқақ, Дәулет Жұмбеков, Тұрмат Баймағанбетов, Тілеубек Бабасов, Жібек Баймұратова, Исабек Байкенжеев, Насырбек Мырзабеков, Біржан Өтебаев, Қасымов Жантас алдағы ел игілігі үшін жасалатын жұмыстарын айтып, қолдап пікір білдірді. Кездесуде ауыл тұрғындары ұсыныс-пікірлерін айтып, кандидат Айтбай Жандарбековті қолдайтындарын жеткізді.