Қадір түні ұйықтамау шарт па?
Қадір түнін барынша құлшылықпен өткізген дұрыс. Бірақ ұйықтамай өткізу шарт емес, деп хабарлайды Egemen.kz.Айша анамыз: «(Алла Елшісі) таң атқанша түнді (барлық бөлігін) намазбен өткізген емес»[1], деп айтқан.
Пайғамбарымыз (оған Алланың салауаты мен сәлемі болсын) тағы бір хадисінде: «Сендерге мына ай келді. Бұл айда мың айдан артық түн бар. Кімде-кім осы түннің жақсылығынан мақұрым қалса, жақсылық атауынан құр қалғаны. Оның жақсылығынан тек қана нағыз мақұрым адам ғана құр қалады»[2], деген.
Сондықтан барша мұсылман Қадір түнін құлшылықпен өткізіп, сауаптан құр қалмауға тырысуы қажет. Ал шаршаса кішкене тынығып, кейін ары қарай құлшылығын жалғастырса құба-құп.
«Рамазан оразасына қатысты пәтуалар» кітабынан алынды
[1] Имам Нәсәи, №2347.
[2] Ибн Мәжә, №1649.
