Алатаудан алтынмен оралды
Сәуірдің 21, 22 күндері аралығында Алматы қаласында «Інжу-Маржан» атты республикалық балалар мен жасөспірімдер арасында ұлттық-дәстүрлі өнер байқауы өткен болатын. Бұл байқау Н.Назарбаевтың «Болашаққа бағдар: рухани жаңғыру» бағдарламалық мақаласы аясындағы іс-шара. Республиканың түкпір-түкпірінен келген қатысушылар мен өнерпаздар өз шығармашылығын көрсетті. «Мереке» продюсерлік орталығының ұйымдастыруымен өтіп жатқан іс-шара екі күнге созылды. Аталмыш байқауда жерлесіміз «Арман» мәдениет үйі би үйірмесінің жетекшісі
Беназир Дүйсенбаеваның оқушылары бас жүлдені жеңіп алды. Сонымен қатар, ән үйірмесінің жетекшісі Ұлдана Мүсиева ән үйірмесінің оқушысы Бауыржан Бекарыс бас жүлдені иеленді.
«Өскен өңір» ақпарат.
