ҮЗДІК ҒЫЛЫМИ ЖОБА
Жақында Елбасының «Болашаққа бағдар: рухани жаңғыру» атты бағдарламалық мақаласы аясында «Ізденіс жолы» қоғамдық қоры мен «Эрудит» интеллектуалды білім порталының ұйымдастыруымен ІІ облыстық «ORDA-JUNIOR-2017» атты байқау өтті. Дарынды оқушылардың үздік ғылыми жұмыстарын саралаған сайысқа облыстың түпкір-түпкірінен көптеген жас ғалымдардың еңбектері ұсынылды.
Нәтижесінде ерекше қабілетімен қазылардың көзіне түскен №46 А.С.Пушкин атындағы мектеп-лицейінің 4 «а» сынып оқушысы Қанат Манаповтың жұмысы І орынға лайық деп танылды. Жетекшісі Жанна Бекжанова екеуі арнайы дипломмен марапатталды. Талабы таудай Қанаттың ғылым жолындағы жетістіктері көбейе берсін демекпіз.
«Өскен өңір» ақпарат.
