Өнер – әсемдіктің ең жоғарғы түрі. өйткені, ол табиғаттың әсемдігін де, адам еңбегімен жасалған заттардың әсемдігін де, сол адамның ұлылығы мен сұлулығын да, оның ой-арманын да өз бойына жинақтап, жан-жақты бейнелей алады. Қолөнер – өресі биік, өрісі кең өнер.
Елбасы Н.Назарбаевтың «Болашаққа бағдар: рухани жаңғыру» бағдарламасы аясында аудандық 3 әдістемелік аймақтың ұйымдастыруымен балабақша тәрбиеленушілері арасында «Қолөнер – сырлы өнер» тақырыбымен шығармашылық байқау өтті.
Мақсат – ұрпақтан-ұрпаққа жалғасып келе жатқан ұлттық қолөнерімізге деген бүлдіршіндердің қызғушылығын, қабілетін, шеберлігін арттыру болды. Байқау шарттары бойынша бірінші бөлімде қатысушының жоғарыда аталған бағдарлама аясында жасалған үздік туындысы көрмеге қойылуы тиіс болса, екінші бөлімде белгілі бір тақырыпта сол мезетте аппликация, мүсін немесе сурет салып, қазыларға ұсыну тапсырылды.
Шара барысында әндер шырқалып, мың бұрала би де биленді. Ата-аналар мен сайысқа қатысушылар өнерлі балалардың өнеріне қанықты.
Байқау барысында қазылар алқасы бірінен бірі өткен қолөнер бұйым­дарына тамсанды. Дегенмен, сайыстың жеңімпаздарын анық­тау­ға тура келді. Қорытын­дысында, 16 үміткердің ішінен
суыры­­­лып шықан №2 «Балбө­бек» бөбекжайының тәрбиеленушісі Айзере Әзиз бас жүлдені жеңіп алса, 1 орынды «Шұғыла 2» жеке балабақшасының намы­сын қорғаған Айдай Атақан иемденді. Ал, 2 орынды «Жанель» және «Шұғыла 1» жеке балабақшасының тәрбиеленушілері Айлин Нұрмұхамед­қызы мен Мирас Азатов өзара бөлісті. Жүлделі 3 орындарды «Гүлсезім» жеке балабақшасынан келген Айару Махсұтбек пен «Аяулым» жеке балабақшасынан келген Элдар Жұпарбек қанжығаларына байлады. Сөйтіп, өнерлерімен көпті тамсандырған балалар көңілді қалпында тарқасты.
Дина Әбіласан.