Бұл сайлау әр сайлаушыға аса зор жауапкершілік жүктейтіні аян. Өйткені сайлауға түсіп жатқан үш үміткердің ішінен келешек ауданымызды дамытатын көркейтіп, гүлдендіріп, оның бюджетін әлеуметтік экономикасын арттыратын азаматты, біз сайлау учаскелеріне барып, өзіміз таңдап, қалаған үміткерімізге дауыс беруге тиіспіз. Мен аудандық ардагерлер кеңесінің төрағасы ретінде өзгеге үлгі болсын деген ниетпен №286 теміржол сайлау учаскесіне таңертеңгі сағ 7.10-да барып, өз таңдауымды жасадым. Ол келешегінен мол үміт күттіретін Шиелі ауданының төл перзенті, іскер басшы, қарапайым көркем мінезімен халық жүрегінен орын алған Ахатаов Нұржан Сәбитұлы болатын. Осы кісіні аудан әкіміне лайық деп санадым.