Бүгін еліміздің бүкіл аймақтарында ауыл әкімдерін сайлау науқаны өтеді. Ауданымыздан аса маңызды саяси додада Жөлек, Майлытоғай, Ортақшыл, Жуантөбе ауылдық округтеріне жаңа әкім сайланады. Ал, Талаптан ауылының әкімін сайлау 1-ші тамызға белгіленген.

Жалпы, Шиелі ауданы бойынша сайлау өтіп жатқан 4 ауылдық округте 5500-ден астам халық тұрады екен. Соның ішінде дауыс беруге құқылы электораттың саны – 4102 адам. Тұңғыш рет өткізіліп жатқан бұл сайлаудың аудан халқы үшін маңызы ерекше. Сондықтан сайлау өтетін барлық ауылдық округ тұрғындарын сайлауға белсене қатысуға шақырамыз!