Бейсенбі күні аудан аумағында төтенше жағдайлардың алдын алу және оларды жою мақсатында, сондай-ақ азаматтық қорғаудың басқару органдарын, күштері мен құралдарын көктемгі кезеңге дайындау ­бойынша іс-қимылдарға азаматтық қорғаудың мемлекеттік жүйесін одан әрі жетілдіру барысында «Көктем – 2023» республикалық командалық-штабтық оқу-жаттығуы өтті.
Оқу-жаттығуға аудан әкімі Нұржан Ахатов, Қызылорда облысы Төтенше жағдайлар департаменті бастығының орынбасары Нұрсұлтан Ибрагимов және облыстық азаматтық қорғау қызметтерінің басшылары мен жауапты қызметкерлері қатысты.

Аталған шара аудан аумағындағы су басу қаупі бар аумақ саналатын Жөлек ауылдық округінде ұйымдастырылып, аудан әкіміне төтенше жағдайларға азаматтық қорғау органдарының дайындық барысы таныстырылды.