Бұл туралы кеше Орталық сайлау комиссиясының кезекті брифингінде айтылды.
Орталық сайлау комиссиясы төрағасы Нұрлан Әбдіровтің мәліметінше, сайлауға қатысушылардың саны еліміз бойынша барлығы 11 млн 953 мың 465 адамды құраған. Оның 8 млн 346 мыңы дауыс беруге арналған бюллетендерді алыпты. Дауыс беру күні 641 халықаралық ұйымдардың және 15 мың ­саяси партия байқаушылары бақылауды жүзеге асырған. Сонымен қатар сайлау учаскелеріне 1225 БАҚ өкілдері қатысып, 106 аккредиттелген шетелдіктер журналистер сайлау барысын баяндап отырған.

Комиссия төрағасы сайлау бөллетендерінде 6 кандидаттың аты-жөні және барлығына қарсымын деген жолдардың болғанын айтып, алдын ала нәтижемен бөлісті.

Қарақат Әбденге – 206 мың 206 адам ­немесе 2,6 %;

Нұрлан Әуесбаевқа – 176 мың 116 адам немесе 2,22 %;

Жигули Дайрабаевқа – 271 мың 641 адам немесе 3,42 %;

Мейрам Қажыкенге – 200 мың 907 адам немесе 2,53 %;

Қасым-Жомарт Тоқаевқа – 6 млн 456 адам немесе 81,31 %;

Салтанат Тұрсынбековаға – 168 мың 731 адам немесе 2,12 %;

Барлығына қарсымын жауабына – 460 484 мың адам немесе 5,8 %.