Аудан басшысы мектеп бітіруші түлектермен кездесу өткізді
Бүгін аудандық мәдениет үйінде аудан әкімі Әшім Оразбекұлы мектеп бітіруші түлектермен кездесу өткізді. Шара барысында аудандық білім бөлімінің басшысы Болат Сейілханов пен Әшім Оразбекұлы баяндама жасап, атқарылып жатқан жұмыстар мен жүзеге асып жатқан бағдарламаларды тілге тиек етті. Сонымен қатар, ауданымызда ашылып жатқан өндіріс орындары туралы айтып, қажетті мамандықтарды да атап өтті. Үлкен
өмірге қадам басқалы отырған түлектерге мамандық таңдаудың маңыздылығы жайында да айтты. 
Сондай-ақ, мектеп бітіруші түлектер аудан басшысына сұрақтарын қойып, тұшымды жауаптарын алды. Пікірлерін білдіріп, алғыстарын да жеткізді.
«Өскен өңір» ақпарат.
