Өскен өңір Шиелi аудандық қоғамдық-саяси газет
» » Бюджет саласы қызметкерлерінің еңбекақысы еселенеді

Бюджет саласы қызметкерлерінің еңбекақысы еселенеді

2022 жылы облыс бойынша бюджет саласындағы қызметкерлердің еңбекақысын ұлғайтуға республикалық бюджеттен 78,2 млрд теңге бөлінген. Нәтижесінде халықтың еңбек қызметінен түсетін табыстың жалпы табыстағы үлесі 69,8 процентен 71,4 процентке артқан. Ал 2025 жылға қарай бұл көрсеткішті 80,6 процентке жеткізу жоспарда.
Облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаевтың сөзінше, қазіргі таңда халықтың табысын арттырып, жұмыссыздық деңгейін төмендету мақсатында үш негізгі бағыт бойынша салалық жұмыс жүргізілуде. Біріншісі – жаңа жұмыс орындарын құру, екіншісі – жұмыспен қамтуға жәрдемдесу, үшіншісі – еңбек ресурстарының біліктілігін арттыру және жастардың кәсіптік бағдарлануын қамтамасыз ету. Бұл шаралар өз кезегінде жыл соңына дейін 31 мыңға жуық жаңа жұмыс орнын құруға сеп болмақ.
Ал жалпы алғанда облыс көлемінде 6 айда 11 мың 836 жаңа жұмыс орны құрылған. Бұл жылдық жоспардың 41,6 процентін құрайды. Оның ішінде «Өңірлік жұмыспен қамту» картасында бекітілген Ұлттық жобалар шеңберінде 559 жұмыс орындары құрылыпты. Сондай-ақ басқарма басшысының айтуынша, 25 шілдеден бастап «Бастау бизнес» жобасы бойынша кәсіпкерлік негіздері курстарына оқыту басталған. Бүгінгі күнге өз бетінше онлайн форматта 359 адам 14 күндік оқуға кірісіп кеткен. Оқуды аяқтағаннан кейін аталған азаматтар кәсіп ашуға берілетін қайтарымсыз грант алу үшін онлайн түрде өтінім бере алады.
Айта кетейік, биыл облыс бойынша 3 мың 437 адамға қайтарымсыз несие берілмек. Гранттар негізінен: 18-бен 28 жас аралығындағы жұмыссыз жастарға; көп балалы тұлғалар-көп балалы жәрдемақы алушыларға; қоныс аударушылар және олардың еңбекке қабілетті отбасы мүшелеріне; мүгедек баланы тәрбиелеуші жәрдемақы алатын адамдарға; атаулы әлеуметтік көмек алушы отбасы мүшелеріне; асыраушысынан айрылу жағдайы бойынша жәрдемақы алушыларға; қандас мәртебесі бар адамдарға; мүгедектерге беріледі. Сондай-ақ комиссия мүшелері гранттарды тағайындау барысында: бизнес-идеяның бәсекеге қабілеттілігі, бизнес-жобаның қаржылық өміршеңдігі, жаңа жұмыс орындарын құру секілді критерийлерге басымдық береді.

Рамазан ӘНӘПИЯ
02 тамыз 2022 ж. 353 0

PDF нұсқалар мұрағаты

№64 (9021)

12 тамыз 2022 ж.

№63 (9020)

09 тамыз 2022 ж.

№62 (9019)

06 тамыз 2022 ж.

Жаңалықтар мұрағаты

«    Тамыз 2022    »
ДсСсСрБсЖмСбЖс
1234567
891011121314
15161718192021
22232425262728
293031 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам