Биылдан бастап жаңа бизнес идеяларды іске асыруға берілетін қайтарымсыз гранттардың мөлшері 1 млн 225 мың 200 теңгеге дейін ұлғайды. Алайда қайтарымсыз грантқа ие бола алатын азаматтардың тізімі қысқарды.
Мәселен енді гранттар 29 жасқа дейінгі жастар мен әлеуметтік осал топтарға жататын азаматтарға ғана (атаулы көмек алатын отбасы мүшелеріне, көп балалы отбасыларға) беріледі. Сонымен бірге грант беру процесі биыл электронды түрді өтпек. Яғни, кәсіп бастау үшін қаржы алғысы келетін үміткерлер туралы ақпарат электронды жүйе арқылы расталады. Тағы бір айта кетерлігі, қайтарымсыз грантқа үміткерлер «Бастау бизнес» жобасының сертификатын соңғы 3 жыл ішінде алған және кемінде 1 жыл тұрғылықты жері бойынша тұрақты немесе уақытша тіркеу туралы мәліметтерді ұсынуы керек. Азаматтарға мемлекеттік грант тек бір рет қана беріледі.