Шиелі аудандық полиция бөлімі жанындағы Ардагерлер кеңесінің төрағасы Әбдімомын Алдияров бастаған құқық қорғау органдары саласының ардагерлері әріптестеріне қолдау көрсетуде.

Ардагерлер блок посттағы полиция қызметкерлеріне қиын-қыстау кезеңіндегі жауапкершілігі мол қызметтеріне моральдық қолдау көрсетіп, азық-түлікпен қамтамасыз етті.

Сондай-ақ ардагерлер ел басына қиын күн туғанда халықпен бірге екендігін, еліміздің Президенті Қасым-Жомарт Тоқаевтың қабылдаған барлық шешімдерін қолдайтындарын жеткізді.

Құқық қорғау саласының ардагерлері коменданттық сағат режимін сақтап, үйде жақындарыңызбен, отбасыларыңызбен бірге болуға кеңес береді.